Кизён-2018

«Агро-Танып» СПК Татышлы ёросысь одӥгез кужмо но ӟеч азинскись хозяйство. Котьку сямен, туэ но таныпъёс бусы ужъёс борды котькинлэсь вазь кутскизы. «Туннэ нуналэ мускыт пытсан ужъёс быдэсак йылпумъямын, культивация лэсьтон ужъёслэн ӝыныезлэсь тросэз быдэстэмын ни. Укмысэтӥ куартолэзе кизьыны потӥмы. Куазь шулдыр улӥз ке, вуоно арняе кизёнэз быдтомы», - вера хозяйстволэн валтӥсь агрономез Денис Мардамшин. (Бусы ужъёс сярысь репортажез газетмылэн вуоно номерысьтыз быдэсак лыдӟыны быгатоды).

Миляуша БУЛАТОВА.