-18 °С
Салкым
Антитеррор
Вань иворъёс
Гурт удыс
29 южтолэзь 2018, 12:56

Ужзы ноку дугдыса уг улы

Бурай ёросысь Мамады гуртысь хозяйствоын 147 йыр сюро пудо лыдъяське.

Бурай ёросысь Мамады гуртысь «Дэмен» ООО-ын 147 йыр сюро пудо лыдъяське. Фермаын арлэн нокыӵе вакытаз но уж дугдыса уг улы. Скал кыскисьёс, пудо утисьёс вазь ӵукнаысен бер ӝытозь тыршо.
- Кысконо скалъёсмы сюлэсь трос. 44 йыр куайытоно ошъёс лыдъясько. Скал кыскисьёсмы Илюса Бадамшина, вераны кулэ, со тужгес кема ужа ни – 1995-тӥ арысен скал кыске, Ниля Зиангирова, Альмира Зиянгирова, Клара Тазетдинова но Гульназ Камаева ужзэс валаса, тыршыса ужало. Соос ӵукна вить часын уж дуразы лыкто. Фермаямы скал кыскон аппаратъёс вань ке но, йӧл гумыос ӧвӧл. Соин скал кыскисьёс йӧлзэс асьсэос нулло. Аина Галиахметова кунянъёсты уте, - вера фермаен кивалтӥсь Елена Галиханова. – Скотникъёсмы но кылкутӥсесь: Евгений Бадамшинлы, Максим Камаевлы но Рушан Галихановлы котькыӵе ужез оскыны луымон.
Фермаен кивалтӥсьлэн верамезъя, мамадыос суткаяз 850 литрлэсь трос йӧл кыско. Пудо сиён хозяйствоын тырмыт дасямын. «Но сюлмаськонмы но вань – ужась киос уг тырмо», - шуэ Е. Галиханова
Миляуша БУЛАТОВА.
Бурай ёрос.