-17 °С
Салкым
Антитеррор
Вань иворъёс
Гурт удыс
9 ноябрь 2017, 14:13

Ӟеч азинскись хозяйствоос пӧлын

Пудо вордон – гурт хозяйствоослэн бадӟым саклык висъямез кулэ карись ӧрез. Шутэтскон нуналъёс но, праздникъёс но фермаын ӧвӧл. Татын арлэн котькуд нуналаз уж пӧзе, пудоез сюдытэк, скалъёсты кыскытэк кельтыны уг луы. Йӧл, сӥль вузаса, хозяйствоос табыш потто.

Пудо вордон – гурт хозяйствоослэн бадӟым саклык висъямез кулэ карись ӧрез. Шутэтскон нуналъёс но, праздникъёс но фермаын ӧвӧл. Татын арлэн котькуд нуналаз уж пӧзе, пудоез сюдытэк, скалъёсты кыскытэк кельтыны уг луы. Йӧл, сӥль вузаса, хозяйствоос табыш потто.
Сергей Хановен кивалтоно «Агро -Танып» СПК-лэн фермаяз котьку пыр, татын чылкыт, вань уж интыяз вуттыса быдэстэмын. Пудоос тазаесь.
- Туннэ нуналэ хозяйствоын 1080 йыр пудо лыдъяське, соос пӧлысь 400-эз – кысконо скалъёс. Фермаын сизьым дояркаос тыршо: Клара Шевелёва, туннэ нуналэ со котькинлэсь трос йӧл кыске, Веселина Ибраева, Анюта Самигулова, Фируза Хайдаршина, Фиделина Басимова, Ирина Гильмиярова, Регина Гильманова, - вера фермаен кивалтӥсь Вячеслав Шайсултанов.
Ужасьёсын вераськыса валаськод – фермаын ужаны ӟеч луонлыкъёс кылдытэмын. Пудо вордон гидъёс тупатэмын. Одӥгез «500 ферм» кун программаен пайдаяськыса выльдэмын. Ӧнерчиос ог-огенызы кенешыса ужало. Фермаен кивалтӥсьлэн нырысетӥ юрттӥсьёсыз – осеменатор Галина Фархутдинова, пудо эмъясь Ралия Бадретдинова но учётчик-кормовик Ольга Муратшина. Пусъёно, кема аръёс ӵоже татын ужам ӧнерчиос асьсэлы кивоштӥсьёс дасян сярысь но сюлмасько. Алигес хозяйствое ужаны потӥз Кушнаренковоысь гурт хозяйствоя колледжез йылпумъям Анна Семёнова. Со пудо врачлы дышетскемын.
Скотникъёслэсь Антонио Муратшинлэсь, Ильдус Байдиевлэсь, Герман Муллаяровлэсь, Валерий Семёновлэсь, операторъёслэсь Сергей Гильмановлэсь, Василий Минлиаскаровлэсь но ужъёссэс пусйытэк уг луы. Фермаен кивалтӥсьлэн кылъёсызъя, асьсэ ужзэс соос тодыса быдэсъяло. Йӧлзэс таныпъёс Вылысь Татышлыысь вӧй заводэ нулло. Вераны кулэ, та хозяйстволэн йӧлыз ёросын вылӥ ӟечлыкеныз висъяське. Сое эскерон бордын тырше лаборант Станислав Шайсултанов. Со ик кыскем йӧлэз нуллон сярысь но сюлмаське. Ӟеч лыдпусъёс басьтон бордын сторожъёслэн Павел Бактиевлэн, Рифат Басимовлэн люкетсы но бадӟым. Нош пудоослы дыраз сиён пыртан сярысь тракторист Дмитрий Семёнов сюлмаське. Кунянъёсты утё Фидалия Зиятова, Зоя Иванова но Эля Басимова.
Искусственной осеменение амалэн ужанлы но «Агро-Танып» СПК-ын бадӟым саклык висъяське, туала улонлэн куронъёсызлы тупась ужан тӥрлыкъёс но кемалась басьтэмын ни. «Азьвыл «Можгаплем» предприятиен ужаськом вал. Туннэ нуналэ «Уралплемсервис» ООО-ен но ужаськом ни», - вера осеменатор Г. Фархутдинова.
- Толалтэлы пыр-поч дасяським. Пудо сиён тырмыт. Тупатъян ужъёсты но дыраз быдэстӥм: выжъёс выльдэмын, кунян гидысь укноос вошъямын, - вера фермаен кивалтӥсь. Вераны кулэ, таныпъёс туэ пудо сиёнзылэсь трос люкетсэ выль амалэн – рулонъёсты нимысьтыз плёнкаен биньыса – дасязы. Озьы сенажлэн ӟечлыкез, пе, возиське. Таӵе амалэн ужанъя но та хозяйство ёросын нырысетӥос пӧлын лыдъяське.
Гурт хозяйствоын ужанэз ноку капчи ӧй вал. Пудо но висьытэк уг улы, техника но тӥяське. Ӵошен кариськыса гинэ шуг-секытъёслы пумит султыны луэ. Ужасьёс ке тыршо, кивалтӥсь соослэсь ужзэс дунъя ке, лыдпусъёс но будо.
Миляуша БУЛАТОВА.
Татышлы ёрос.
Читайте нас в