Инвожо толэзь "Ошмеслы" дуно

Нырысетӥ инвожо - гужемлэн кутсконэз но Нылпиосты утён нунал. Со сяна, Ошмес» газетлэн вордскем нуналэз. Ӵапак та нуналэ кызь одӥг ар талэсь азьло солэн нырысетӥ номерез дуннеез адӟиз. Дырын-дырын газетлэн вылтусыз, сое лэсьтон бордын ужасьёс, редакторъёс но вошъяськизы ке но, кызь одӥг ар со тӥледын артэ. Азьланьын но ӵошен уломы, эшъёс, газет лыдӟымонгес мед луоз шуыса, валче со бордын ужаломы. Ми тыршомы тросгес интыосы командировкаосы вуылыны, нош тӥлесьтыд чидатэк витёмы гурт яке школа улон сярысь иворъёстэс, заметкаостэс, кылбур-веросъёстэс. Газет-лыдӟись кусып медаз уры, арысь аре лыдӟисьёсмы тросгес мед луозы вал. Нош али тодады вайытӥськом: туннэ нуналысен кутскиз газетлы кыкетӥез ичигес дунын гожтӥськон дыр. Со дас нунал кыстӥськоз. «Ошмес» газетлы дун почта пыр та нуналъёсы 374 манет но 70 коньы, rbsmi.ru сайт пыр 383 манет но 76 коньыен гожтӥськон понна ДЕКАДА2-2020 промокод гожтоно луоз.