Туннэ туэ ар понна "Мишкан-2020" финн-угор шоркарез сӥё-дано ворсан ортчиз

Туэ таӵе дан - финн-угор дуннелэн шоркарез нимез нуллон - сётэмын вал Башкортостанысь Мишкино ёросын улӥсь поръёслы. Арлэн аспӧртэм но йӧспӧртэм луэменыз, трос дасям ужрадъёссы лэсьтӥськытэк но кылизы, луоз, ортчизы ке но, онлайн форматэн радъяськизы. Туннэ шоркарез сӥё-дано ворсан но ZOOM конференция амалэн ортчиз. Отчы пыриськизы проектэн кивалтӥсь Оливер Лооде, Мишкино ёрос администрацилэн тӧроез Павел Трапезников но мукет аръёсы луэм финн-угор шоркаръёсысь представительёс, пор мерлыко огазеяськонъёсын тыршисьёс. Вуоно 2021-тӥ арлы выль финн-угор шоркар луон эстафетаез ас вылаз басьтӥз Эстониысь Абья-Палуоя город.

Фото: https://addnrb.ru/istoriko-kulturnye-centry/marijskij-istoriko-kulturnyj-centr-v-mishkinskom-rajone/