"Президентлы - дэрем"

20-тӥ гудырикошконэ Эстонилэн Президентэз Керсти Кальюлайд Эстонилэн асэриклыксэ берыктон нуналлы сӥзем приёмаз Таллиннысь Кадриорг дворецысь Льӧль садаз 1000-лэсь ятыр куно пумитаз.

Куноос пӧлын туэ луизы пор кузпалъёс Алексей Алексеев но Оксана Козлова. Алексеез финн-угор дуннеын тодо поръёс сярысь киноос лэсьтэменыз, мылысь-кыдысь финн-угор ужрадъёсы пыриськеменыз но туж умой "Пор гозы" эктэменыз. Солэн кузпалыз Оксана йылпумъямын УдГУ-ысь художественно-графической факультетэз, нош Таллиннэ вуэмын магистратурае. Отысен ик тодматскем вуоно кузпалыныз. Соос Сауэ городын уло: Алексей гимназиын ужа, нош Оксана - нылпи садын. 24-тӥ тулыспалэ, Эстонилэн асэриклык басьтон нуналаз, нылпиос пӧлын "Президентлы - дэрем" конкурс ялӥзы. Оксана Козлова но нылпиосыныз эскиз лэсьтӥз. Со "Эстонилэн инкуазез" нимаськиз. Конкурсын та дэремез вормисен ялӥзы. Пор кузпалъёслы озьы Эстониысь быдӟым ужрадэ пыриськыны луонлык кылдӥз.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91