«Вӧй келян» шулдыръяськонъёс ортчизы

Солэн тодметэз – табань. Азьло Вӧй арнялэн нырысетӥ нуналаз ӵыжы-выжыосмы ог-огзы доры табань но ӝук сиыны ветло вылэм. Али та сэбедэз куд-ог интыосын гинэ чаклало.

Вӧй арняын буранъёс но луизы. Арлыдоослэн верамзыя, со умойлы: вань уродэз, кырсез, пе, лымы мед согоз. Лымыын погылляськон но ӟеч тодметэн лыдъяське. Мугор висёнъёсты лымы, пе, мед басьтоз.

Арлыдоос «Вӧй келян» шулдыръяськонэз тужгес силы каро. Туэ но трос интыосын тулысэз табань сиыса, самоварысь чай юыса, шудыса-кырӟаса, кубоен яке дӧдьыен нискыласа пумитазы.