-17 °С
Салкым
Антитеррор
Вань иворъёс
Финн-угор дуннеын
6 августэ 2019, 00:38

Удмурт нылпиос - "Усточикарын", нош поръёс - кино карын

Туннэ нуналысен Башкортостанын ужаны кутскиз "Усточикар", нош пор нылпиос тодон-валанзэс будэто кино карын. Кыкетӥ гудырикошконын Марий Элысь Параньга ёросысьтыз Куракино гуртын ужзэ мытэм лагерьын кино лэсьтонлэсь пӧртэм палъёссэ валэктыны тыршо Финн-угор фильмъёслэн фондысьтыз преподавательёс.

Кызьы ивортэ Mari Uver бамын та лагерез одӥгез радъясь Татьяна Алыбина, лагере 19 нылпи люкаськиз. Кинопроектъёслэн съёмказы но урокъёс Куракиноын ортчо бере, ужан темазы но та гуртэн герӟаськемын. Нош кызьы со возьматэмын луоз, егит режиссёръёс асьсэос учкозы. Нырысетӥ нуналаз ик кино лэсьтоназы лагерьчиос гуртысь выль тодмооссэс пыртӥзы. Нылпиослэсь ужам материалзэс эскеронэн но профессионалъной кино учконэн ӝыт пумиськонэ гуртын улӥсьёс но, куноосно пыриськыны быгато.

Нош "Усточикар" лагерьлэн ортчемез сярысь ивортонъёсмы - азьпалан. Туэ отын куать ӧръёсъя мастерскойёс ужалозы.
Читайте нас в