-8 °С
Лымы
Антитеррор
Вань иворъёс
Финн-угор дуннеын
18 южтолэзь 2019, 01:04

Адӟытонъёс – сюлмын вордскем вазён

Эстониысь Тарту городын удмурт художница эстон кузпалызлы сӥзем адӟытон усьтӥз.

Удмуртиын Бураново гуртын вордскем, али Эстониысь Тарту городын улӥсь йӧспӧртэм удмурт кышномурт Зоя Лебедева «Вайду Видил кузьмаз буёлъёс» аспӧртэмлыко адӟытон дасяз. Со сӥземын улонысь вазь кошкем кузпалызлы, Эстониысь кинодокументалистлы, режиссёрлы Вайду Видиллы. Выставка Тартуысь Исскуствоосъя юртын 14-тӥ южтолэзе усьтӥськиз. Кызьы пусъе ачиз З. Лебедева та ужрадэз усьтонлы сӥзем видеоын, котькуд адями аслыз таӵе арт-терапия лэсьтыны быгатысал: дышетскемын-а со, ӧвӧл-а, профессионал-а со, непрофессионал-а. Ӵапак берло аръёсы, тужгес но Эстоние улыны лыктэмез бере, суредъёсыз кылдыны кутскизы удмурт кышномуртлэн. Суредъёс сяна, адӟытонын Зоялэн турынъёсын, кылъёсын куэмъёсыз, лубочной графикаез.
В. Видиллэн творчествоезлы но улонэзлы ик сӥземын Тартуысь музей-квартира, кудаз улэ ачиз усточи кышномурт. Зоя Лебедевалэн малпаназ эшшо куинетӥ синпелет – «Вайду Видил кузьмаз кагаз» адӟытонэз радъян. Со но кематэк усьтӥськоз В. Видиллэн вордскем юртэзлы матысь библиотекаын. Отын тодматскыны луоз кузпалызлэн лэсьтэм фильмъёсыныз но З. Лебедевалэн мелованной кагаз вылысь тунсыко техникаен ужъёсыныз.
Зоя Лебедевалэн суредъёсыз но мукет ужъёсыз - ваньмыз сюлэм пушкысьтыз потэм вазёнэз: «Улон но кулон куспын гожзы вакчи гинэ. Вань ке ма сярысь кырӟаны, вераны, кырӟалэ, вералэ. Бере кылёно медаз луы…».
Анна Байдуллина.
Читайте нас в