Кыӵе сиёнъёслы дунъёс будӥзы

Кылсярысь, кияр 14,1 процентлы дунояз. Республикаын сое шорлыдын 158 манетэн басьтыны луоз. Озьы ик дуноям сиён-юонъёс пӧлы скал но курег сӥльёс, сӥльтыремъёс, сӥльлэсь консерваос, сыръёс, будос вӧй, йӧл, йӧлвыл, шоколад кампетъёс, печення, чабей пызьлэсь пыжем нянь, макарон, картофка, кубиста, ӵужкушман но помидор шедизы. Соос арня куспын 0,1-3,3 процентлы дуноязы. Нош курегпузлы дунъёс 2,4 процентлы усизы. Сое Башкортостанын улӥсьёс дассэ шорлыдын 55 манетэн басьтыны быгато.
Кӧнялы ке дунъёс усизы парсь но така сӥльёслы, кынтэм чорыгъёслы, нӧкы вӧйлы, кузятэмлы, чайлы, сылаллы, рис, тари но сьӧдчабей кеньыръёслы, сугонлы но улмолы. Соос 0,02-1,5 процентлы дунтэмгес луизы.
Вермишель но сакыр песоклы дунъёс ӧз воштӥське. Соослэн килограммзы озьы ик 51 но 27 манет сылэ.
Дасяз Марина
НИКОЛАЕВА.

Фото с сайта https://modscheats.ru/140726-v-bashkirii-zafiksirovan-rekordno-nizkiy-rost-cen-na-produkty.html