Нылпиосын узыр семьяосты шумпоттыса

Со понна огъя 63,1 млрд манет коньдон быдтэмын. Солэн бадӟым люкетэз (60 млрд манетэз) трос нылпиен семьяослэсь улон интызэс тупатонлы кошкиз. Со сяна, пиналъёсын узыр анайёс солэсь кӧня ке люкетсэ пӧртэм кулэяськонъёссыя басьтыны быгатӥзы. Кылем арняын Россия Федерацилэн Президентэз Владимир Путин трос нылпиен семьяосты выльысь шумпоттӥз. Табере анаймурт капиталлэсь 25 сюрс манетсэ, пе, басьтыны луоз. Со понна кыкетӥез яке со бӧрсьысь нылпи 2007-тӥ арысь 1-тӥ толшорысен 2016-тӥ арысь 30-тӥ куарусёнозь вордӥськемын луыны кулэ.

Коньдонэз басьтон понна заявлениосты Россиысь Пенсионной фондлэн интыосысьтыз управлениосаз кутозы. Со понна отчы таиз арысь 30-тӥ шуркынмонозь вазиськоно. Анаймурт капитал 25 сюрс манетлэсь ӧжыт ке кылемын, сертификатлэн кузёезлы сое быдэсак сётозы.