Ӟеч мылкыдыд ноку медаз сӥя

Фардуна Минказиповна – Карим вынмылэн кузпалыз, милям покчиез кенмы. Со Татышлы ёросысь Улысь Балтач гуртын вордӥськыса будӥз. Каримен семья кылдытыса, Павловкае улыны выжизы. Соос кема аръёс ӵоже гуртысьтызы фермаын ужазы.

Фардуна Минказиповналэн ужтэк пукем дырыз ик ӧвӧл. Ваньмон дырзэ со пайдаё ортчытыны тырше. Губияны, узы-боры бичаны туж яратэ. Гужем Кайрановъёслэсь юртъер котырзэс чебересь сяськаос шулдырто, сад-бакчаязы емышъёс удалто. Соос пудо трос вордо, муш утё. «Гуртын улыса, кызьы пудо, скал уд утьы. Дорысь йӧл нап, тазалыклы пайдаё. Соин скалэз быдтэммы уг поты на», - шуэ Фардуна.

Фардуна Минказиповна пыжиськыны но усточи. Солэн пӧръёсыз туж ческыт пӧрмо. Ческын сиён-юонъёсын со нылпиоссэ, матысьёссэ пумита. Кайрановъёслэн юртазы жингрес нылпи куараос чалмытскыса уг уло. Нылпиоссы, внукъёссы арнялы быдэ куное бертыло. Фардуна но Карим Кайрановъёс ньыль ныл но одӥг пи будэтӥзы угось. Соос семьяосынызы Чернушка городын уло. Туннэ арлыдо кузпалъёсты дас внук-внучкаоссы шумпотто ни. 

Фардуна кенмы котьку задор мылкыдо: шулдыр кырӟа, капчи эктэ. Гуртысьтызы удмурт нылкышноосын ансамбль но кылдытӥзы. Соос ёросазы радъяськись ужрадъёсы, концертъёсы ӵем пырисько. Фардуна Минказиповна вордскем гуртаз но ӵем вуылэ. Со матысьёсызлэн, эшъёсызлэн тазалыксы, улэм-вылэмзы сярысь юалляськыса улэ. Милемлы но арнялы быдэ жингыртылэ.

Фардуна, ӟырдыт ӟечкыласьком юбилееныд! Арлыдэныд ӵош шудэд мед будоз. Улонэд ошмес син кадь мед пӧзёз, жадёнэз медад тоды, котькыӵе ужед мед пӧрмоз, котькуд нунал шумпотон мед ваёз, ӟеч мылкыдыд котькинлы мед тырмоз.

Кайрановъёслэн семьяоссы.

Кутлинка-Нефтекамск.