Тон луэмысь ми ваньмы шудбуро

Котькуд адями улон сюрессэ ас сяменыз радъя. Нош милям анаймы кема аръёс ӵоже пудо утисьын тыршиз. Улон анаймес пӧртэм сямен эскериз: ас улоназ со ӟечсэ но, лексэ но адӟиз. Но секытлыкъёслы ӧз сётӥськы.

Фания Милигалиевна – гуртын гажано адями. Со котькинэн огкыл шедьтыны быгатэ, котькинлы ӟеч кыл вералоз. 1967-тӥ арын , 8-тӥ классэз йылпумъяса, со ужаса коньдон поттон сюресэз бырйиз: со дырысен 35 ар ӵоже фермае нуись сюресэз волятӥз. Солэсь та удысын тыршыса ужамзэ уно Данъян грамотаосыз но возьмато. Дуно адямимы1974-тӥ, 1979-тӥ аръёсы «Победитель соцсоревнований» нимен пусъемын, 1978-тӥ арын – «Ударник коммунистического труда», «Ударник XI и XII пятилетки». Со сяна, анаймылэсь ужзэ пусйылӥзы тау каронъёсын, дипломъёсын: ЦК  КПСС-лэн, СССР-ысь министръёслэн Кенешсылэн, ВЦСПС-лэн, ЦК ВЛКСМ-лэн. 1984-тӥ ар но анаймылы бадӟым кузьымъёс ваиз. Сое «БАССР-ысь гурт удысысь сиё-дано ужась» нимен пусйизы. Со арын ик «Анаймурт дан» медаль сётӥзы. Нош 2002-тӥ арын «Ветеран труда» медален данъязы. Шумпотӥськом, матысь адямимылэн улон сюресэз мукетъёслы адӟем карымон шуыса.

Тон луэмысь ми ваньмы шудбуро,

Тонэныд сайкыт милям нуналмы.

Ӟечкыласа вордскем нуналэныд,

Вазиськиськомы тыныд ваньмы.

Мылкыданъёс вераськом ӟечсэ,

Тазалык сӥзиськом бадӟымзэ,

Шудбур сӥзиськом шунды кадьзэ,

Пальпотӥсьсэ, ноку кысӥсьтэмзэ.

Нылъёсыд, пиед, эмеспиосыд, кенэд, внукъёсыд, внучкаосыд, правнукъёсыд но правнучкаосыд.