-18 °С
Салкым
Антитеррор
Вань иворъёс
Ӟечкыласьком!
13 Июне 2021, 10:00

Милям сюлэмъёсамы вань умойзэ гинэ пыӵатӥд

Гужемлэн тужгес шулдыр нуналэз ми понна – со 13-тӥ инвожо. Та нуналэ яратоно, мусо анаймы, ӵужаймы, песяймы Камида Куснимардановна Гильмиярова вордӥськем. Туэ солы 60 арес тырме.

Юбилееныд ӟечкыласа, дунне вылысь вань шуныт кылъёсты тыныд вераны дыртӥськом. Сӥзиськом юн тазалык, шудо улон. Тон милемлы туж дуно но мусо. Вань малпанъёсыд мед быдэсмозы, лушкем сюлмаськонъёсыд та нуналэ ке но мед вунозы-ышозы. Ми понна тон – Музъем вылысь тужгес дуноез зарни. Вамышъяно сюресъёсыд вольыт но сяськаё мед луозы. Куректонлы медаз луы ни инты.
Анай, улон сюресэд капчи вылымтэ. Кӧня сюлмаськонъёсты, секытлыкъёсты тон вормыны быгатэмед. Пичиысен атайтэк кылемед. Тон тодад вайыса ӵемысь вераськод:
- Атаймы ӧй вал. Анай огназ кызьы дышетысал. Соин фермае ужаны потӥ. Азьло фермае ужаны ӧтьыса, доре лыкто вал. Вылысь Балтачысен бускель Улысь Балтач гуртэ пыдын ветлон, киын скал кыскон, пудоосты сюдон капчиен ӧз ке но сётӥськы, ужлэсь ӧй палэнтӥськы. Ваньзэ дыраз но интыяз вуттыса ужаны тырши.
Скал кыскон ужлы тон улонэдлэсь 36 арзэ сӥзид. Вакытаз ёросын тынэсьтыд нимтулдэ тодӥсьтэм адями но ӧй вал, дыр. Малы ке шуоно котьку азьветлӥсьёс радын луид. 1983-тӥ арын уждэ «Ударник коммунистического труда» медален пусйиллям, нош 2009-тӥ арын Башкортостан Республикалэн Данъян грамотаезлы кузё луид. 2000-тӥ арысен тон - «Материнская слава» медальлэн кузёез.
Зэм, улон шумпотонъёслэсь но вормонъёслэсь гинэ уг сылы. Куддыр ӧсамы кайгу-куректон но йыгаське. 2013-тӥ арын южтолэзе атай кулӥз. Нош одӥг арскын бадӟым пидэ берпуметӥ сюресаз келяд. Собере анаед улонысь кошкиз. Валаськом: сюлэмад - бурмисьтэм яраос, соос котьку висё. Но тон куректонъёстэ милемлы, нылпиосыдлы, матысьёсыдлы адӟытыны уд тыршиськы. Ваньзэ ас пушкад возьыса, милемыз котьку пальпотӥсь ымнырын пумитаськод. Тон котьку милемлы юрттыны дась.
Анай, милям сюлэмъёсамы тон дунне вылысь вань умойзэ гинэ пыӵатыны тыршид, ӟеч сямъёслы, кужмо но сабырлы луыны дышетӥд. Соин ик ми, нылпиосыд, ньыль внучкаосыд но укмыс внукъёсыд, тыныд музъемозь йыбырттӥськом. Сюлмысь ӟеч кылъёс вераськом. Тау тыныд ваньмыз понна. Тодӥськом: уд улы тэк, ул кема но висьытэк. Та югыт нуналэ шунды тон понна пиштэ, тылобурдоос но жингрес кырӟанъёссэс тыныд кузьмало, возь вылысь сяськаос но туннэ тыныд пальпото. Ми тонэ сюлмысь яратӥськом!
Нылъёсыд, пиосыд, кенъёсыд, эмеспиосыд, внукъёсыд но внучкаосыд.