Башкортостанын анай кылъёсъя олимпиада мынэ

Отчы бигер, чуваш, пор, удмурт нылпиос пырисько. Олимпиадалэн нырысетӥ нуналаз пиналъёсты ӟечкыласа но азинсконъёс сӥзьыса вераськизы Башкортостанысь дышетонъя но наукая министрлэн воштӥсез А. З. Галиева, ньыль пӧртэм калыкъёслэн огазеяськонъёсынызы кивалтӥсьёс. Удмурт нылпиослы шуныт кылъёсын вазиськиз БР-ысь удмуртъёслэн национально-культурной центренызы кивалтӥсь С. Г. Гарифуллин.

Олимпиадалэн нырысетӥ нуналаз нылпиос Zoom пыр ужазы. Соос ог-огенызы вераськыны быгатэмзэс (диалог амалэн) возьматӥзы. Отчы Бурай, Ермекей, Калтасы, Татышлы, Янаул ёросъёсысь 18 пиналъёс пыриськизы. Туннэ олимпиадалэн нырысетӥ но кыкетӥ туръёсыз ортчизы. Вормисьёс ӵуказе тодмо луозы.