«Толлэн пужыосыз» ёрос конкурс ортчиз

Отчы ёросысь укмыс школаосысь нылпиослэн нимысьтыз 28 ужъёссы но 13 коллективной ужъёс вуизы.

Вормисьёсты куинь категориосъя бырйизы. 1-4-тӥ классъёс пӧлын Выль Татышлы школаысь 2-тӥ классысь Эдгар Садиевлэн но Улысь Балтач школаысь 4-тӥ классысь Святослав Гарифуллинлэн ужъёссы куинетӥ интыен дунъямын.

5-8-тӥ классъёс пӧлын куинетӥ интылы кузё луиз Улысь Балтач школаысь 6-тӥ классын дышетскись Азалия Гарифуллина.

9-11-тӥ классъёс пӧлын вормисе потӥз Кальтяево школаын 9-тӥ классын дышетскись Сабрина Валентинова. Выль Татышлы школаын 9-тӥ классын дышетскись Анастасия Муллаяровалы куинетӥ инты сётэмын.

Коллективной ужъёс пӧлын куинетӥ интыен пусъемын Улысь Балтачысь витетӥ классын дышетскисьёслэн ужзы (кивалтӥсьсы Е. Ш. Гарифуллина).

Туспуктэм вылын С. Гарифуллинлэн ужез.

Фото: открытый источник.