Республикаысьтымы дышетӥсьёсты пиналъёсты огъя кун экзаменъёсы ӟеч дасямзы понна витьтон сюрс манет коньдонэн данъялозы

Оштолэзе Башкортостанлэн Тӧроез Радий Хабиров республикаысьтымы та ласянь устооссэ дышетӥсьёсты 50 сюрс манетэн данъяны оскытӥз вал. «Премиосты тырон понна азьпалтыса басьтэм лыдпусъёсъя 5,5 миллион манет кулэ луоз. Сомында коньдон республикалэн бюджетаз пыртэмын ӧвӧл. Туэ укмысэтӥ классъёсын дышетскисьёс понна экзаменъёс ӧз радъяське, со чотын кӧня ке коньдон шыръямын», - вераз республикаысь дышетонъя министр Айбулат Хажин.

Башкортостанын туэ 127 дышетскисьёс экзаменъёсазы 100 балл люказы. Соос тужгес ӟеч тодон-валанзэс возьматӥзы химия, ӟуч кыл, информатика но физика предметъёсъя.

Туспуктэм: Олег Яровиков