-18 °С
Салкым
Антитеррор
Вань иворъёс
Дышетон
19 южтолэзь 2019, 21:38

30-тӥ но 31-тӥ южтолэзе Удмурт кун университет абитуриентъёслы ӧсъёссэ усьтоз

УдГУ "Усьтэм ӧсъёслэн нуналзы" ортчытэ.

30-тӥ но 31-тӥ южтолэзе Ижкарысь удмурт кун университет бадӟым классъёсты йылпумъясьёслы но соослэн анай-атайёссылы ӧсъёссэ усьтоз. Ужрадъёс университетлэн 1-тӥ юртаз ортчозы (Университет урам, 1/1 юрт). Со сярысь Удмуритысь дышетонъя но тодосъя министерстволэн пресс-службаез ивортэ.
«Усьтэм ӧсъёслэн нуналзы» ужрадъёслэн радлыксы:
10:30 – 11:00 – институтъёсын тодматон (УдГУ, 1-тӥ корпус, 3-тӥ этаж). 2019-тӥ арын дышетскыны пырон но экзаменъёс сётон куронъёс сярысь ивор вӧлмытӥсь буклетъёсты люкылон;
11:00 – 12:00 – университетлэн кивалтэтэныз пумиськон (УдГУ, 1-тӥ корпус, 3-тӥ этаж, актовой зал).
Мылкыд карисьёслы ректорлэн, дышетскыны кутон кампанилэн кылкутӥсь секретарезлэн но университетысь мукет ӧнерчиослэн 2019-тӥ арын дышетскыны кутон кампанилы сӥзем ивортонъёссы ӵектэмын луозы.
12:15 – Университетлэн дышетскон юртъёсаз институтъёсын тодматскон (презентациос, юанъёслы валэктонъёс но мукет).
Тодэ вайытом, 23-тӥ южтолэзе Ижкарысь гурт возёс академия абитуриентъёслы ӧсъёссэ усьтоз.
Анжелика Тихонова.
https://udmurt.media/udm/news/obrazovanie-i-nauka/52731/
Читайте нас в