"Пятидневкаен" дышетскыны мон дась"

Рудольф ГАФУРОВ, Татышлы ёросысь Выль Татышлы школаен кивалтӥсь: «Взлетай!» форуме мон но пыриськи. Радий Хабировлэн отын ӝутэм ужпумъёсыныз мон соглаш. Со дышетон удысэз вылӥе ӝутон сярысь сюлмаське. Толэзьысь одӥгез кӧснунал тематической луыны кулэ. Кылсярысь, спартакиада яке анай кыллы сӥзем праздник, кыӵе ке тодмо адямиен пумиськон но мукет. Нылпиослы тросгес шутэтсконо. Форумлэн кыкетӥ люкетаз котькуд директор практической занятиосы пыриськиз, кытын дискуссионной площадкаос ужазы. Мон «Школа цифрового века» площадкаын луи. Соин БР-ысь Информатизацияя кун комитетлэн тӧроез Г. В. Разумикин кивалтӥз. Отын туала компьютерной технологиосты школаын кутонэз, локальной сетьёсын ужаны луонлыкъёсты эскерим, трос юанъёс сётъям».

Земфира ИБРАЕВА, Янаул ёросысь Каймашабаш школаысь дышетӥсь: «Пятидневкалэн» плюсъёсыз но, минусъёсыз но вань. Огласянь умой, нылпиослэн пӧртэм кружокъёслы дырзы тросгес кылёз. Мукет ласянь ке учконо, вань юнматэм программа, кудзэ одно ик ортчоно. Сое капчиятысалзы ке, умой луысал. Нош кӧснуналысь предметъёсты мукет нуналэ 6-7 урокъёсын ортчытон – со ужпумез уз вошты.

Светлана МУХАМАДИЕВА, Калтасы ёросысь Бадӟым Качак школаын 6-тӥ классын дышетскись: «Пятидневка» умой луысал, малы ке шуоно шутэтскыны быгатом, экзаменъёслы дасяськыны тросгес дыр кылёз».

Константин ИЛЬБАЕВ, Бадӟым Качак школаын 8-тӥ классын дышетскись: «Пятидневкаен» дышетскыны мон дась».

Милена ЗАЙНУЛЛИНА, Янаул ёросысь Вуж Вараш школаез 2018-тӥ арын йылпумъяз. УдГУ-ын дышетскись: «Мон малпасько, умойгес луысал вить нуналэн дышетскыса. Малы ке шуоно нылпиослы трос нагрузка сётӥське. Мукет школаосысь эшъёсы, кылсярысь, Пермь шаерысь, верало вал, соослэн «пятидневка» шуыса. Мон соослы пичияк вожмаськисько но вал. Умой луысал со субботаез кыӵе ке секциослы висъяны. Кылсярысь, спорт, киужен вырон, мукет пӧртэм шудонъёс».

Георгий ШАРАФИСЛАМОВ, эмъюртын ужась: «Малпан, конешно, умой. Нош кӧснуналлэсь урокъёссэ мукет нуналъёсы пуктозы-а? Учконо, котькуд класслы нормаезъя кӧня урок луыны кулэ. Нылпиос сьӧразы нулло учебникъёс, тетрадьёс, рабочей тетрадьёс. Кыкетӥ классын дышетскись пиелэсь сумказэ мертай. Вить килограммлы ӵоша. Вить нуналэн ке дышетскизы, ранецсы 6-7 килограмм но луоз. Мон школаын дышетскыку, сумкае куинь килограммлэсь секыт уг луы вал. Секыт ӝуткан позвоночниклы бадӟым изъян вае. 13-15 арескысен ик нылпиос сколиозэн медаз курадӟе вал. Позвоночниксы кырыжтӥськиз ке, пӧртэм висёнъёс кылдыны быгато. Мон «пятидневкаен» ӝыныя соглаш: рабочей тетрадьёсты быдтоно яке программаез капчиятоно.

Линара САДЫКОВА, Бурай ёросысь Касиярово гуртын улӥсь, 10-тӥ классын дышетскись пилэн анаез: «Пятидневкае» выжемзы умой луысал. Озьы ужась школаос вань ук. Нылпиос тросгес дырзэс доразы ортчытысалзы. Милям гуртысь нылпиос, кылсярысь, школае мукет гуртэ автобусэн ветло, вань урокъёс бырем бере гинэ, туж бер, берто.

Вераськиз Анна

БАЙДУЛЛИНА.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91