+9 °С
Салкым
Вань иворъёс
Дышетон
30 южтолэзь 2018, 13:13
«Фестиваль – со эшъяськон, анай кылын вераськон…»
Котькуд ар тулыс каникулъёс дыръя Башкортостанысь удмуртъёслэн НКЦ-зылэн уж планэзъя удмурт школаосын дышетскисьёс понна нылпи творчествоя республика фестиваль радъяське. Туэ нылпиосты Татышлы ёросысь Выль Татышлы школа пумитаз. Вераны кулэ, та школа ёросысь кужмо школаос пӧлын лыдъяське. Татын дышетскись пиналъёс пӧртэм конкурсъёсы пырисько, предметъёсъя олимпиадаосын ӟеч тодон-валанзэс возьмато, нош спортын соослы вуисьёс ик ӧвӧл: зонаын радъяськись ӵошатсконъёсын вормисе потыса, республика ӵошатсконъёсысь ӟеч лыдпусъёсын берытско.
Котькуд ар тулыс каникулъёс дыръя Башкортостанысь удмуртъёслэн НКЦ-зылэн уж планэзъя удмурт школаосын дышетскисьёс понна нылпи творчествоя республика фестиваль радъяське. Туэ нылпиосты Татышлы ёросысь Выль Татышлы школа пумитаз. Вераны кулэ, та школа ёросысь кужмо школаос пӧлын лыдъяське. Татын дышетскись пиналъёс пӧртэм конкурсъёсы пырисько, предметъёсъя олимпиадаосын ӟеч тодон-валанзэс возьмато, нош спортын соослы вуисьёс ик ӧвӧл: зонаын радъяськись ӵошатсконъёсын вормисе потыса, республика ӵошатсконъёсысь ӟеч лыдпусъёсын берытско.
Кинъёс-кинъёс лыктӥллям? «Табаньёс», «Кизилиос», «Кузёос»…
Туэ фестивале Татышлы ёросысь Вязовкаысь «Табаньёс», Выль Татышлыысь «Кузёос», Улысь Балтачысь «Кизилиос», Уразгильдыысь «Уразгильды кизилиос», Балтач ёросысь Асавкаысь «Зангари», Янаул ёросысь Вуж Варяшысь «Шундыпиос», Каймашабашысь «Л.А. В.» (лыктӥм, адӟим, вормим), Сандугачысь «Кизилиос» командаос пыриськизы. Жаляса верано, командаослэн лыдзы арысь аре кулэсме. Бурайёс но калтасыос, кылсярысь, ужрадэ вуымтэзэс техника ласянь кылдэм шуг-секытъёсын герӟазы. Кузёос куноосты туж шуныт пумитазы. Фестивале вуэмъёс нырысь школаен тодматскизы.
Визьмоесь нылъёс но пиос
Фустиваль «Деловой шудонэн» кутскиз. Шудонэз нуись Зинаида Пукроковна Зайнуллина пиналъёслэсь визьзэс зол сыназ. Нылпиос удмурт кылъя тодон-валанъёссэс но возьматӥзы, литературая урокъёсын лыдӟем произведениоссэс, гожъясьёсты но тодазы ваизы, удмурт калык сям-йылолъёс сярысь но веразы, крезьгуръя удмурт кырӟанъёсты но «тодмазы». Жюри йылпумъянъёс лэсьтэм бере тодмо луиз:татын вормисе потӥз Выль Татышлы школалэн командаез. Кыкетӥ интыын луизы уразгильдыос, куинетӥ – улысь балтачъёс.
Мастерскойёсын ужан
Фестивальын куать пӧртэм творчествоя мастерскойёс ужазы. Вераны кулэ, туэ выль ӧр – джутовой филигрань – пыртэмын вал (кивалтӥсез Илиана Фёдоровна Мухаметзянова). Та ӧрез быръем пиналъёс вакчи дыр куспын аспӧртэм «писпу» пӧрмытӥзы. Ужзэ ваньзылэсь усто быдэстӥз Уразгильдыысь Вероника Суюндукова. Кыкетӥ интылы кузё луиз Выль Татышлыысь Жаннет Кабиокова, куинетӥ интыын – Вуж Варяшысь Майя Зайнуллина.
Нылпиосты удмурт мунё лэсьтыны дышетӥз Индира Хасиятовна Зинатуллина. Татын котькинлэсь усто ужаз Уразгильдыысь Мария Камидуллина, солэн ужез нырысетӥ интыен дунъямын. Кыкетӥ интыын луиз Улысь Балтач школаысь Марина Хайдарова. Вязовкаысь Эльвина Фархутдиновалэн ужелы куинетӥ инты сётӥзы.
Куроен лэсьтӥськонъя мастерскоен кивалтӥз Зифина Салимьяновна Зидымышева. Татын усточи луиз Выль Татышлы школаын дышетскись Дина Галиаскарова. Кыкетӥ но куинетӥ интыослы кузё луизы Уразгильдыысь София Садиева но Улысь Балтачысь Адрияна Шайбакова.
Пул вылын пужыятон ӧрез быръем пиналъёсын Фёдор Мардокович Байрамшин ужаз. Та ӧрын Выль Татышлы школаын дышетскись Никита Гильмурановлы вуисьёс ӧз луэ. Кыкетӥ интыен пусъемын Улысь Балтач школаысь Янис Шайсламов. Куинетӥ интыын - Вуж Варяш школаысь Александр Гарифьянов.
Гожъяськон ӧрез тямыс пиналъёс бырйизы. Нырысь ми нылпиосын вераським, 2018-тӥ ар Волонтёрлэн но Семьялэн арзылы сӥземын шуыса. Соослы «Ӵошен шумпотӥськом, ӵошен вормиськом тӧлъёсты» огъя тема сётэмын вал. Улысь Балтач школаын дышетскись Полина Шакировалэн ужез нырысетӥ интыен дунъямын. Кыкетӥ интыын – Сандугач школаысь Есения Куснимарданова, куинетӥ - Уразгильдыысь Екатерина Хатипова.
Компьютерез ӟеч тодӥсьёс Алексей Фёдорович Бадрисламовен кивалтоно ӧрез бырйизы. Соос «Мынам гуртэ» буклет тупатӥзы. Буклетэз тужгес тунсыко но умой пӧрмем Улысь Балтачысь Вилиана Сергеевалэн. Солы нырысетӥ инты сётэмын. Кыкетӥ но куинетӥ интыосты утӥзы Уразгильдыысь Александр Байситов но Вуж Варяш школаысь Илья Милитдинов.
Жингырты, удмурт крезьгур!
Зэм, фестивале люкаськем нылпиос - котьмалы усточиос. Визьмоесь, кибашлыесь, нош сцена вылын – зэмос кизилиос. Вераны кулэ, куд-огез кырӟась нылъёс сцена вылэ Дарали Лелилэн камсьӧр удмуртъёслэн дӥськусыя вурем дэремъёсыныз потӥзы.
Кырӟасьёс пӧлын вормисе потӥз Выль Татышлылэн уӵыез Линда Гильманова. Кыкетӥ интыез но Гильмановаос ик утӥзы: Алина но Линда ӵошен удмурт кырӟан быдэстӥзы. Куинетӥ интыез люкизы Вязовка но Сандугач школаос.
Эктӥсьёс пӧлын висъяськиз Выль Татышлы школаын дышетскись Ника Муллаярова. Асавкаысь Кирилл Зиянгиров кыкетӥ интылы кузё луиз. Каймашабашысь Альбина Баширова – куинетӥ. Со сяна, Альбина Г. Тукайлэсь кылбурзэ удмурт кылын лыдӟыса, кыкетӥ инты утӥз. Нош Асавкаысь Луиза Миниахметова кылбур верасьёс пӧлын вормисе потӥз.
Вуж Варяшысь но Улысь Балтачысь командаос серемес сценкаос возьматӥзы. Вормисе потӥзы вуж варяшъёс. Улысь Балтачъёс – кыкетӥ. Фестивале пыриськем нылпиосты ваньзэс НКЦ-лэн грамотаосыныз пусйизы, нош ужрадэз дасясьёслы, мастерскойёсын кивалтӥсьёслы тау карон гожтэтъёс сётӥзы. Фестиваль дискотекаен йылпумъяськиз.
Миляуша БУЛАТОВА.
Читайте нас в
Учредитель: Агентство по печати и средствам массовой информации Республики Башкортостан
Регистрационный номер: Свидетельство ПИ № ТУ02-01536 от 6 июня 2016г.
Главный редактор: Нигаматуллина Оля Борисовна
Газета "Ошмес" - общественно-политическая, социальная, культурно-просветительская газета удмуртов Республики Башкортостан.
Телефон
Телефон+7 (34778) 2-11-89, 2-18-71
Электронная почта
Адрес
452830, Республика Башкортостан, Татышлинский район, с. Верхние Татышлы, ул. Ленина, д. 91