Анай кылын шонер гожъяськы

31-тӥ южтолэзе «Бадӟым удмурт диктант» ортчоз. Со Кузебай Гердлэн но Ашальчи Окилэн вордскемзы дырысен 120 ар тырмонлы сӥземын.

«Бадӟым удмурт диктант» зэмос акцилы пӧрме. Туэ диктантэз гожтыны ог 60 площадкаос усьтэмын луозы. Удмурт Элькунын 40-лы матэ интыосын тодон-валанэз эскерыны луоз. Мукетъёсыз – 20-лы матэ площадкаос – Башкортостанын, Марий Элын, Татарстанын но Киров улосын ужалозы. Республикаямы, кылсярысь, удмурт кылъя тодон-валанэз Янаул ёрос библиотекаын эскерыны луоз. Отчы пыриськыны мылкыд карисьёсты 14.00 часэ витё. Диктантлэсь текстсэ туэ дасяз филологи наукаосъя кандидат, УдГУ-ысь журналистикая кафедраысь доцент Александр Шкляев.

Ольга НИГАМАТУЛЛИНА.