Кылбур лыдӟо, спортэн эшъясько

Бурай ёросысь Касиярово гуртысь нылпиос пӧртэм ужрадъёсы пырисько. Витетӥ классын дышетскись Азалина Галиханова «Живая классика» кылбур веранъя быдэсросси конкурслэн ёрос этапаз вуылӥз. Отысь со «призёр» нимен берытскиз. Нош Анур Сафин, Бурайысь гимназиын дышетскисьёс Диана, Роман но Родион Раяновъёс куасэн бызьылонъя ёрос ӵошатсконэ пыриськизы. Асьсэлэн возрастной категориосазы соос нырысетӥ интыосты нокинлы ӧз сётэ. Роман гинэ 2-тӥ интылы кузё луиз. Та ӵошатсконын, пичиос сяна, бадӟымъёс но кужымзэс мертазы. Алтау гуртысь Марина Гафутдинова финише ваньзылэсь ӝог вуыса, вормисе потӥз.