"Удмурт кыл - удмуртлэн шорсюлмыз"

Кызетӥ тулыспалэ ми дорын - Янаул ёросысь Ямады шор ёзо школаын - кык бадӟым ужрадъёс ортчизы: удмурт кылъя но литературая дышетӥсьёслэн «Роль родного языка в воспитании подрастающего поколения» ёрос семинарзы но 5-9-тӥ классъёс пӧлын театральной постановкаосъя ёрос конкурс.

Ужрадлэсь нырысетӥ люкетсэ «Удмурт кыл – удмуртлэн шор сюлмыз» нимамы. Со литературно-музыкальной композициен кутскиз. Нылпиос удмурт кылын кылбуръёс лыдӟизы, кырӟазы но удмурт эктонъёс возьматӥзы. Крезь куара чузъяськем улсын, пиналъёс киужъёссэс возьматӥзы. Внеклассной ужрадэ школаысьтымы 19 нылпиос пыриськизы. Со сяна, куное вазимы Андреевка гуртысь «Зангари» калык ансамблез. Соосын ӵош пиналъёс удмурт кырӟанъёсты быдэстӥзы.

Ужрадлэн кыкетӥ люкетаз ёросысьтымы сизьым удмурт школаосысь нылпиос пыриськизы. Соос удмурт писательёслэн произведениоссыя сценкаос дасяны кулэ вал. Ваньзы усто дасяськиллям! Ми И. Гавриловлэн «Эктытӥсь пастух» пьесаезлэсь люкетсэ возьматӥм, Гран-прилы кузё луим. Нырысетӥ интые потӥзы Шудекысь но Каймашабашысь школаос, кыкетӥ интыез Истяк но Сандугач школаос люкизы, куинетӥ интыез – максимъёс но вуж варяшъёс.

Анай кылъёслэн нуналзылы сӥзем ужрадэ лыктэм нылпиос гурт клубысь библиотекаямы интыяськем калык поэтлэн Ильдар Юзеевлэн музеяз пыразы. Та нуналэ котырак удмурт кыл чузъяськиз кадь, пиналъёс вордскем кылзэс гажамзэс кылбуръёссы, сценкаоссы, кырӟанъёссы пыр возьматӥзы. Азьланяз но анай кылмы мед улоз, со паськытгес но паськытгес мед ӧръяськоз.

Анида НУРИСЛАМОВА,

Ямады школаысь

удмурт кылъя но литературая дышетӥсь.