Вордскем кыл

Арлы быдэ 9-11-тӥ классъёсын дышетскисьёс республикаын радъяськись вордскем кылъёсъя олимпиадае пырисько. Туэ олимпиада Уфаысь К. А. Давлеткильдеев нимо гимназия-интернатын ортчиз. Отчы удмурт, бигер, пор, чуваш кылъёсты дышетӥсь пиналъёс люкаськизы. Кык нунал ӵоже соос анай кылзэс тодэмзэс возьматӥзы. Удмурт кылъя но литературая олимпиадае Бурай, Калтасы, Балтач, Татышлы но Янаул ёросъёсысь дас одӥг пиналъёс пыриськизы. Вормисе потӥзы Татышлы ёросысь Улысь Балтач школаысь Вилиана Сергеева (дышетӥсез З. Т. Шарафутдинова), Выль Татышлы школаысь Ника Муллаярова (дышетӥсез З. П. Зайнуллина) но Янаул ёросысь Вуж Варяш школаысь Диана Насибуллина (дышетӥсез А. А. Фаткуллина). Вормисьёс Удмуртиын ортчись удмурт кылъя но литературая регионъёс куспысь олимпиадае пыриськозы.