Сюрес вылын сак луоме

Кутскиз дышетскон ар. Анай-атайёслэн, дышетӥсьёслэн валтӥсь ужпумзы – нылпиосты сюрес вылын пумиськись кышкытлыкъёслэсь утён. «Внимание – дети!» быдэсросси акция улсын, школаямы пӧртэм ужрадъёс ортчытӥмы. 11-тӥ классысь пиналъёс дышетӥсенызы Алсу Махмутоваен светофорлэсь тусъёссэ возьматӥсь дӥськутъёс дӥсяса школа вӧзысь пешеходной переходын «Нарушитель» рейд ортчытӥзы. Водительёсты дугдытъяса, соос «Сохрани жизни детей! Соблюдай ПДД!» листовкаос-памяткаос сётъязы. Рейд руль сьӧрын ветлӥсьёслэсь саклыксэс будэтонлы, сюрес вылын ветлон куронъёсты эскеронлы сӥземын вал. Нош 8-тӥ классысь Арина Гараева но Альбина Сагитова покчи классъёслы «Посвящение первоклассников в пешеходы» праздник дасязы. Нырысетӥ классын дышетскисьёс ПДД-ен тодматскизы, нош 2-4-тӥ классысь пиналъёс - соосты тодазы ваизы. Со сяна, 5-11-тӥ классын дышетскисьёс ГИБДД-ысь ӧнерчиен Регина Рахимоваен пумиськылӥзы. Ӧнерчи пиналъёслы сюрес вылын луэм кышкыт учыръёслэн мугъёссы сярысь вераз, сюрес вылын сак луыны куриз.