Вань иворъёс
Дышетон
1 южтолэзь 2017, 17:34

Дневниказ витьёс гинэ «уло»

«Со – милям данъяськонмы, быдэс школалы одӥг отличникмы», - шуо Ермекей ёросысь Купченеево школаысь дышетӥсьёс Александр Антонов сярысь. Пияш ньылетӥ классын дышетске. Котькуд урокын со ӟеч тодон-валанзэ возьматэ. Солэн дневниказ витьёс гинэ «уло».

Сашалэн тужгес яратоно предметэз – математика. «Задачаосты но примеръёсты со тысез выллем куада. Соин ик олокӧня олимпиадаосы но пыриськылӥз ни. Грамотаосыз солэн уно», - шуо ӵош дышетскем эшъёсыз. Математика сяна, Сашалы ОРКС, башкир кыл но физкультура, пе, кельшо.

Спортын но пияш бере уг кыльы - велоспортэн тунсыкъяське. Ваньмон дырыз луыку анаезлы но атаезлы юрттӥське. Азьланяз Саша адвокат луыны малпа.