Шудэд котьку артэ мед вамыштоз

Кыӵе ми шудо, милям анаймы, песяймы, кузпалы вань шуыса! Татышлы ёросысь Кызыл-Яр гуртын улӥсь дуно, мусо, яратоно Лидия Ивановна Зариповаез сюлмысь ӟечкыласьком 70 арес тырмон юбилееныз!

Ми понна тон котькинлэсь дуно,

Лу котьку ик таза но шудо!

Шунды сиос мед шунтозы тонэ,

Тӧлъёс мед нуозы куректондэ.

Шудэд мед вамыштоз котьку артэ,

Яратӥськом сюлмысь ваньмы тонэ.

Лидия Ивановна Бальзюга гуртын вордӥськиз, 1971-тӥ арын со яратонзэ - Менкамат Зариповез – пумитаз. Озьы кузпалызлэн гуртаз – Кызыл-Ярын - улыны кутскизы.

Лидия Ивановна улонэзлэсь 38 арзэ школаын нылпиосты дышетонлы сӥзиз, Кызыл-Ярысь, Бигинейысь школаосын ужаз. Дуномы туж яратэ кырӟаны. Со кема аръёс ӵоже «Марӟан» удмурт калык фольклор ансамбле пыриське, жингрес куараеныз котькинлэн сюлмаз нюжа шедьтэ.