-3 °С
Салкым
Антитеррор
Вань иворъёс
Общие статьи
2 куартолэзе 2021, 19:20

"Бадӟым удмурт диктантлэн" йылпумъянъёсыз тодмо луизы

Куинетӥ апреле удмуртъёс «Бадӟым удмурт диктант» гожтӥзы. Туэ со дасэтӥ ползэ радъяськиз. Диктант Удмуртиын ялэм Гуртлэн арезлы сӥземын луиз. Солэсь текстсэ кылбурчи, драматург, кылысь кылэ берыктӥсь, Россиысь Писательёслэн союззылэн ёзчиез Владимир Котков гожтӥз.

Диктантэз кык амалэн гожтӥзы: очно но заочно. Текстэз нимысьтыз дасям площадкаосын сяна, «Моя Удмуртия» радиоын но «Удмуртия» телеканалын лыдӟизы. Диктант гожтыны 1500-лэсь трос адями мылкыд кариз. Та нуналъёсы соос «Бадӟым удмурт диктантлэсь» йылпумъянъёссэ тодӥзы. Шумпотоно, 100 баллы гожтӥсьёс пӧлын Башкортостанысь удмуртъёс но луизы. Та ласянь ӟеч тодон-валанэнызы висъяськизы, кылсярысь, «Ошмес» газетлэн корреспондентэз Анна Байдуллина, Янаул ёросысь Шудек но Каймашабаш школаосысь удмурт кылъя но литературая дышетӥсьёс Инзиля Минликаева но З. С. Ибраева. Республикаысьтымы мукет улосчиосмылэн но йылпумъянъёссы шумпотымон вылӥын.
Нош таиз ссылка https://vk.com/doc-37249272_600035328?hash=4cbb90ac03da8456fa&dl=0a7883ab140723fcfa быдэсак протоколэн тодматоз.
Читайте нас: