Кышкыт учыръёс медаз луэ

Татышлы ёросысь нылпи творчествоя центрын дистанционной амалэн Россиысь ОГИБДД ОМВД-лэн Татышлы ёросъя инспектореныз Марсель Альфисович Шаймардановен пумиськон ортчиз. Пумиськонлэн мугез – каникулъёс дыръя нылпиослы сюрес вылын чакласькыса ветлонэз тодазы вайытон. Онлайн-пумиськонын Марсель Альфисович центрын дышетскисьёслы кышкыт ваисьтэм маршрут быръён, светофорлэн вож тылыз дыръя «зебра» вамен потон, матысь адямиос сярысь сюлмаськон, машинаын ременез думон сярысь вераз. Гужем тросэз нылпиос велосипедэн ветло бере, сюрес вылысь пӧртэм знакъёслы саклык висъяны дэмлаз. Кызьы возьмато лыдпусъёсъя, ӵапак тулыс но гужем каникулъёс дыръя йыло нылпиос пӧлын травма басьтонъёс. Пумиськонлэн пумаз Марсель Альфисович пиналъёслы сюрес вылын ветлон правилоосты дышетоно но тодоно шуиз, гужемзэс шулдыр ортчытыны сӥзиз.