+25 °С
Салкым
Антитеррор
Вань иворъёс
Общие статьи
4 куартолэзе 2020, 01:10

Республикаямы Якутиын вахта амалэн ужасьёс бертӥзы

Куинетӥ мае "Магнитогорск" аэропортэ Якутиысь вуэм самолёт пуксиз. Республикаямы со Чаядинской месторождениын вахта амалэн тыршись 200 улосчиосмес вуттӥз.

Башкортостан Республика Россиысь одӥгез регион, кудӥз коронавирус вӧлмем интыосысь адямиоссэ вордскем палъёсазы, семьяосазы вуттон сярысь сюлмаськиз. Вахта амалэн ужасьёсты Абзелил ёросысь санаторие интыязы. Тодады вайытӥськом, Чаядинской месторождениын тыршисьёс азьвылгес вотэс бамъёс пыр республикамылэн тӧроезлы Радий Хабировлы вазиськизы вал. Соос ивортӥзы, отын карантин ласянь вань куронъёс тӥясько шуыса. 30-тӥ апреле Радий Хабиров вахтовикъёс ӝоген республикаямы бертозы шуыса оскытӥз. "Мы не задумываясь их примем. Это наши братья, жители республики. Да, это большой объём работы. Среди них, безусловно, есть и инфицированные COVID-19. Это будет очень серьёзная нагрузка на систему здравоохранения", – шуиз Радий Хабиров. Вахта амалэн ужасьёс пӧлын нокинлэн температураез ӝутскемын ӧвӧл, соос тазалыксылы уг ӝожтӥсько. Матысь куинь нунал куспын республикаямы Якутиын тыршись 1000 адямиез вуттозы. Арня куспын вань вахтовикъёслэн - 1800 адямилэн - дор палъёсазы бертыны луонлыксы вань. Зэм, нырысь соосты ваньзэс кык арнялы обсерваториосы интыялозы.
Читайте нас: