+19 °С
Салкым
Антитеррор
Вань иворъёс
Общие статьи
21 южтолэзь 2020, 11:55

Витьёслы гинэ дышетско, крезьгурен но эшъясько

#детибашкириисчастье#семья#демографияТа туспуктэм вылысь мусо пальышась нылъёс Янаул ёросысь Каймашабаш школаын дышетско. Куиньназы но соос - витьчиос.

Каймашабашысь нылъёс сярысь газетмылэн 2019-тӥ арын 19-тӥ куарусёнэ потэм номераз гожъямы.
Екатерина Мингалиева (туспуктэм вылын паллянысен буре), Дарина Петрова но Азалия Шайхутдинова ӟеч дышетскемзы сяна, школа ужрадъёсы мыло-кыдо пырисько, Янаулэ кружокъёсы ветлыны но дыр шедьто. «Кырӟаны, спортэн вырыны яратӥсько. Физкультурая урокъёс кельшо. Кылем арын Янаулысь ФОК-е уянъя кружоке ветлӥ, нош туэ англи кылъя тодон-валанме будэтэме потэ», - малпанъёсыныз люкиське ньылетӥ классын дышетскись Катя. Солэсь одӥг ареслы пичигес Дариналы гитараен шудыны кельше. Та крезьгуро инструментэн солэн атаез но шудэ, пе. Солэсь адӟем карыса, нылашлэн гитараен шудыны мылкыдыз ӝутскем, луоз. «Математикаез яратӥсько на. Доска ужъёс быдэстыны кельше», - вера нылаш. Кыкетӥ классын дышетскись Азалия но пичиысен крезьгур дуннее кыстӥське. Со баянэн шудэ. Ваньмон дыръяз гурт но школа библиотекае вуылэ. Азалиялы выжыкылъёсгес кельшо. «Алигес «Дюймовочка», «Три медведя» выжыкылъёсты лыдӟи», - берлось лыдӟем книгаоссэ тодаз вайыса вера нылаш. Книгаосын нылъёс ваньзы но эшъясько. Бисерен, лентаосын киужъёс быдэсъяло. Со сяна, юрт котыразы юрттӥськыны но, эшъёсынызы шудыны но дыр шедьто.
Читайте нас: