+17 °С
Салкым
Антитеррор
Вань иворъёс
Общие статьи
7 ноябрь 2019, 19:35

Конкурсын вормисьёс ялэмын

Арлы быдэ радъяськись, туэ Башкортостан Республикалэн 100 ар тырмонэзлы, БР-ысь Калык поэтлэн Мустай Каримлэн вордскемез дырысен 100 ар тырмонлы сӥзем «Пою мою Республику» анай кылъёсъя сочинениослы конкурсэ пӧртэм кылъёсын ужъёс кутӥськизы.

Туэ со куать номинациосъя ортчиз: 1. «Башкортостан - страна певцов, страна поэтов» (сӥземын Башкортостанлэн нуналэзлы но 100 ар тырмонэзлы). 2. «Какой я вижу республику через 10 лет» (сӥземын Башкортостанлэн нуналэзлы). 3. «Мне повезло с землей моей… Ты – чудо, Башкирия! Ты – свет в моей судьбе» (сӥземын М. Каримлэн вордскемез дырысен 100 ар тырмемлы но Республикалэн нуналэзлы). 4. «Волшебная страна – театр» (сӥземын Театрлэн арезлы). 5. «Впереди – на аргамаке Шаймуратов-генерал...» (сӥземын 112-тӥ Башкир кавалерийской дивизилэн командирезлэн М.М. Шаймуратовлэн вордскемез дырысен 120 ар тырмемлы). 6. «Бессмертие народа – в его языке» (сӥземын Выжы калыкъёслэн калыккуспо арзылы). Конкурс нырысь ёрос дышетон учреждениосын 4-11 классъёсын дышетскись пиналъёс пӧлын ортчиз. Отын вормем ужъёс республика этапе пыриськизы.
«Пою мою Республику» сочинениослы но эссеослы конкурсын удмурт пиналъёслэн но удмурт, ӟуч кылъёсын ужъёссы вормисьёс пӧлын луизы.
Нырысетӥ номинациын нырысетӥ интыен дунъямын: Янаул ёросысь Истяк школаысь 4-тӥ классын дышетскись Камилла Гизитдинова; Татышлы ёросысь Улысь Балтач школаысь 5-тӥ классын дышетскисьёс Николай Саяфаров но Азалия Гарифуллина, 6-тӥ классын дышетскись Ангелина Зидымакова; Бурай селоысь 3-тӥ номеро школаысь Регина Гильфанова.
Кыкетӥ номинациын вормизы: нырысетӥ инты - Эмилия Шагиахметова (Балтач ёросысь Асавка школа, 5-тӥ класс) но Алина Надырова (Калтасы ёросысь Бадӟым Качак школа, 8-тӥ класс), кыкетӥ инты – Карина Гайнетдинова (Бурай селоысь 3-тӥ номеро школа, 5-тӥ класс).
Куинетӥ номинациын ужъёссы устоен лыдъямын: Мария Гадыршиналэн (I инты, Калтасы ёросысь Бадӟым Качак школа, 7-тӥ класс), Русалина Исламовалэн (I инты, Бурай селоысь 2 номеро гимназия, 8-тӥ класс), Эльвина Фархутдиновалэн (II инты, Татышлы ёросысь Кальтяево школа, 8-тӥ класс), Аделина Гараевалэн (III инты, Янаул ёросысь Вуж Вараш школа, 8-тӥ класс), Ирина Абсаликовалэн (I инты, Бурай селоысь 3 номеро школа, 10-тӥ класс).
Ньылетӥ номинация. Татышлы ёросысь Улысь Балтач школаысь 11-тӥ классын дышетскись Полина Шакировалэсь театрлы сӥзем ужзэ нырысетӥ интыен дунъяллям.
Трос вормисьёс луизы куатетӥ номинациын – «Бессмертие народа – в его языке»: Вероника Саяфарова (I инты, Татышлы ёросысь Улысь Балтач школа), Екатерина Хатипова (I инты, Татышлы ёросысь Уразгильды школа, 7-тӥ класс), Арина Гильмиярова (II инты, Кушнаренково ёросысь Ахметово школа, 7-тӥ класс), Диана Шараева (III инты, Янаул ёросысь Выль Артаул школа, 7-тӥ класс), Анна Каматдинова (I инты, Калтасы ёросысь Бадӟым Качак школа, 9-тӥ класс), Рузиль Хазипов (II инты, Татышлы ёросысь Бадряш школа, 9-тӥ класс), Елизавета Давлетова (III инты, Янаул ёросысь Каймашабаш школа, 9-тӥ класс), Есения Гизатуллина (I инты, Татышлы ёросысь Выль татышлы школа, 10-тӥ класс), Альбина Шаманаева (II инты, Янаул ёросысь Ямады школа, 10-тӥ класс), Ренат Садыков (I инты, Бурай ёросысь Выль Тазлар школа, 11-тӥ класс).
Читайте нас: