-6 °С
Салкым
Антитеррор
Вань иворъёс
Общие статьи
11 Куарусён 2019, 14:55

"Вунэтӥзы ке ӵуказе анай кылме, мон туннэ ик дась ни кулыны"

Улонэн кулон вискын гожзы туж вакчи. 10-тӥ куарусёнэ 2019-тӥ арын малпамтэ шорысь ассэ ачиз ӝуатыса улонэн люкиськиз Альберт Алексеевич Разин, философи наукаосъя кандидат, Удмурт Элькунлэн наукаосъя дано ужасез, Трокай Борисов нимо премиялэн лауреатэз, Алнаш ёросысь дано мурт. "Вунэтӥзы ке ӵуказе анай кылме, мон туннэ ик дась ни кулыны" - авар поэтлэн Расул Гамзатовлэн кылбурысьтыз таӵе чуръёсын но "Вань-а мынам Атыкай музъеме "плакатъёсын сылӥз со ӵукна Удмурт Элькунысь Кун Кенешлэн зданиез азьын.

Берло дыре кулонэн герӟаськем трос иворъёс кылоно луиз. Сюрес вылын пазьгиськыса егит гинэ пиос кулӥзы. Йыртышке тӥрен шуккем кадь луиз Удмурт Элькунын тодосчилэн, удмурт активистлэн Альберт Алексеевич Разинлэн ассэ ачиз ӝуатыса быдтэмез но. Альберт Алексеевич вань улонзэ сӥзиз удмурт улонэз утёнлы но азинтонлы. Туэ толшор толэзе вуылӥз Башкортостанэ, удмурт вӧсясьёслэн кенешазы пыриськиз. Соку со тодматскиз татысь осконэн герӟаськем йылолъёсын, асьме вӧсясьёслэн трос юанъёссылы валэктон сётӥз. Туж жаль, сыӵе дано но визьмо адями удмуртъёслэн ужпумъёссылы саклык висъяны озьы кӧшкемыт амалэн турттӥз.
Пичи гинэ янгыш бӧрсьы кинлэн ке улонэз чиге, нош анай-атайёс, матысь адямиос пыраклы синву кисьтоно луо.
Читайте нас в