Келяськом гужемез

Гужемез, шутэтскон нуналъёсты келяса но дышетскон арез пумитаса, Калтасы ёросысь Кургакысь клубын гудырикошконлэн берпуметӥ нуналъёсаз гуртысь пичи нылпиос понна «Сентябрьский переполох» ужрад ортчиз. Кыӵе гинэ шудонъёсын ӧз шудэ: «Привет», «Эн серекъя», «Сороконожка», «Тумошо задача», «Кыллэсь пумзэ шедьтон». Со сяна, «Осконо-а, ӧвӧл-а» викторинае пыриськизы. Ужрадлэн пумаз пичиос серемтусъёс (смайликъёс) суредазы но ог-огзылы кузьмазы.