Вераськон кылмес эскерозы

Экспедицие лыктэмъёс котькудзы асьсэ темазыя ужало. Кылсярысь, кин ке интыез возьматӥсь падежъёсты эскере, кин ке – дополнениез. Татчы вуон понна соос азьпаласен трос удмурт диалектологияя, Татышлы вераськетъя шедьтэм ужъёсты лыдӟизы, темазыя тодон-валанзэс будэтӥзы. Москваысь вуэмъёс Кызылъяр гуртысь но Ивановка гуртъёсысь калыкен тодматскизы ни, малпало на Улысь Балтач гуртэ но Выль Татышлыысь историко-культурной центре вуылыны. Пыр-почгес газетлэн вуоно номерысьтыз лыдӟелэ.