Семьяяды ултӥяло ке

Семьяын эриктэм карон – паськыт вӧлмем югдур. Солэн мугез луыны быгато вожан, юон, ӝожтӥськон, куатаськон но мукет.

Ултӥянэз, озьы ик семьяын эриктэманэз эскерон вылысь, законодатель РФ-лэн Уголовной Кодексаз 115, 116 но 117-тӥ статьяосты пыртӥз: тазалыклы изъян ваён, жугон но курадӟытон. Та статьяосын герӟаськем йыружъёс Татышлы ёросын ӵем шараясько. Озьы, 2016-тӥ арын 115-тӥ статьяя 9 уголовной уж усьтэмын, 116-тӥ статьяя – 6, 117-тӥ статьяя – 1.

Эскерон возьматӥз, тросэз йыружъёс матысь адямиоссылы пумит лэсьтэмын. Кинъёс ке, кылсярысь, атайзэс жугиллям, нош мукетъёсыз анайзылэн улонзылы кышкытлык кылдытӥллям.

Эриктэме шедиды ке, дорысьтыды потыны луонлыкты ӧвӧл ке, телефондэс басьтыса ултӥясьлэсь ватскыны тырше, полициез ӧте, эшъёстылы, матысьёстылы, бускельёстылы жингыртэ, юрттэт куре. Озьы ик кышкытлык сярысь гурт поселенилэн администрацияз, опекая но попечительствоя органъёсы ивортоно.