Соос нокинэ уг жаляло

Ӵуказе Уфаын «Бессмертные журавлики» акция ортчоз. Сое Боевой Данъя республика музей радъя. Акция улсын школаосын дышетскисьёс контртеррористической операциосы пыриськем, Афганистан но Чечня пыр потэм солдатъёсын пумиськозы. Та нуналэ ик соосты, 2004-тӥ арын 1-3-тӥ куарусёнэ Бесланын бырыны шедем нылпиосты буре вайыса, кагазлэсь тури лэсьтыны дышетозы.

2004-тӥ арын Бесланысь нырысетӥ номеро школаын терракт луиз. Отын 300-лэсь трос адями быриз. Соос пӧлысь 150-лэсь ятырез нылпиос вал.

Берло аръёсы калык террористъёслы пумит огкылысь султӥз ке но, кышкыт учыръёслэн лыдзы ӧз кулэсмы. Кылсярысь, 2013-тӥ арын толсур толэзе Волгоградын кык нунал куспын чугун сюрес вокзалын но троллейбусын кышкыт учыръёс луизы. Та нуналъёсы 34 адямилэн улонэз чигиз, 78 адями эмъюртэ шедиз. 2014-тӥ арын, ФСБ-лэн лыдпусъёсызъя, Россиын террористической актъёслэн лыдзы, 2013-тӥ арен ӵошатыса, куинь поллы кулэсмиз. 2014-тӥ арын терроризмен герӟаськем 59 йыруж шараямын.

Кылем арын Синайской полуостров вылын кышкыт учыр луиз. 31-тӥ коньывуонэ 224 адямиен Airbus А321 самолёт пуштӥз. Террактэз «ИГИЛ»-лэн кивалтэтэз ас вылаз басьтӥз.

Террористъёс нокинэ уг жаляло. Соин пыдын ветлӥсьёслы но, машинаен ворттылӥсьёслы но, самолётэн лобасьёслы но сак кариськоно.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91