Качкинтурай гуртын улӥсьёс асьсэлы праздник лэсьтӥзы

Соин Качкинтурайысь калык Быдӟым Атыкай ожын Вормонлы сӥзем праздникез аслаз кужыменыз ортчытыны малпаз. Бадӟым Качак гурт поселениысь депутатъёслэн Назиф Абдуллинлэн но Евгений Шакировлэн, Бадӟым Качак шор ёзо школаысь дышетӥсьёслэн Фирая Гизитдиновалэн но Екатерина Насипуллиналэн кичӧлтэмзыя, Качкинтурай гуртын митинг ортчиз. Ужрадэ люкаськемъёс, тушмонлэсь шаермес утемъёсты тодазы вайыса, обелиск борды горд гвоздика но венок понӥзы. Венокез басьтыны гуртысьтызы ужбергатӥсь Дамир Гизитдинов юрттэт возьматӥз, нош сяськаосты - Назиф Абдуллин.

Та нуналэ Качкинтурай  гуртын улӥсьёслэн солдатлэсь ӝуксэ сиыны  луонлыксы вань вал. Ӝукез гуртысьтызы Идая Зайруллина но Ксения Фархутдинова пӧразы, нош ӝӧкез  дасяны Марина Арсланова  юрттӥз.

Куазь кезьыт луэмен, дасям  концертсэс клубазы ортчытоно луиз. Бадӟым Качак шор ёзо школаын дышетскись нылпиос люкаськем калыклы кырӟан-эктонъёс кузьмазы. Соослэсь тыршемзэс Евгений Шакиров ческыт кузьымъёсын пусйиз. Нош берло ужрадэ пыриськисьёс солдат ӝукез веръязы, ческыт пыжиськемъёсын чай юизы.