+9 °С
Салкым
Антитеррор
Вань иворъёс
Быдӟым Вормон
14 августэ 2020, 11:38

Ож аръёс гожъямъёсын утисько

Кыдёке кылё Быдӟым Атыкай ож аръёс. Но соос уг вуно. Дыр ортчемъя, ож сярысь произведениос, кылбуръёс матынгес луо кадь. Соос асьмемыз ортчем дыре вутто, кышкыт война суредъёсын тодмато

Шаерамы ож аръёслы сӥзем конкурсъёс но ӵем радъясько.
Янаул ёросысь библиотека, Быдӟым Вормонлы 75 ар тырмонлы сӥзьыса, «Строка, оборванная войной» ёрос конкурс радъяз. Со дистанционно ортчиз ке но, конкурсэ 70-лэсь трос адями пыриськиз. Соос ваньзы кылбур лыдӟон ӧрын усто быгатонлыкъёссэс возьматӥзы.
Та нуналъёсы Янаулысь библиотекаын конкурслы йылпумъянъёс лэсьтыса, вормисьёсты ӟечкылазы. Конкурсэ пыриськемъёслэсь аресъёссэс лыдэ басьтыса, огъя 26 вормисьёсты пусйизы. Каймашабашысь Валерия Фатихова «За артистизм» номинациысь дипломен данъямын, Янаулысь Анюта Шараева – «За эмоциональное прочтение» номинациысь дипломен. Нылпи садэ ветлӥсьёс пӧлын вормисе потӥз Шудекысь Наталья Ганиуллина, нош 4-6- классъёс пӧлын Янаулысь Яна Байтимирова нырысетӥ интылы кузё луиз. 7-9-тӥ классъёс пӧлын Максим школаын дышетскись Ангелина Хабибянова кыкетӥ интыен пусъемын.
Валентина БАЙТИМИРОВА, Янаул ёрос библиотекаысь методической ёзэтэн кивалтӥсь.
Туспуктэм вылын: Я. Байтимирова Янаул ёрос библиотекаен кивалтӥсен Г. К. Валееваен но Н. Ганиуллина.
Читайте нас в