-9 °С
Салкым
Антитеррор
Вань иворъёс
Быдӟым Вормон
2 куартолэзе 2020, 11:25

Ӵужектэм гожтэтъёсы кылем тодэ ваёнъёс

Вормон нунал азьын пичияк гожтэм потэ войнаысь берытскымтэ ӵужатае сярысь.

Садыков Шайсултан Садыкович Бурай районысь Касиярово гуртын 1918-тӥ арын вордскем. Сагидатов Садыклэн но Абдулганеева Фаргизалэн семьяязы со укмысэтӥез нылпизы вылэм. Нырысетӥез пизы, Хазип, 1917-тӥ арын герман ожын кулэм. Удмуртъёслэн сямзыя, берпуметӥез пи анай-атайзэ утись луыны кулэ вал. Шайсултан 1937-тӥ арын гуртысь ик Мензиян Нургалиевнаен кышнояськем. Анайзы но соосын ик улэм. Киссалась «Уран» колхозын бригадир луыса ужам. Но ӵошен кема улыны шудзы луымтэ, Шайсултан Садыковичез армие басьтӥллям. 1939–1940-тӥ аръёсы военной службаез дыръя ыстэм гожтэтъёсыз утиськемын на. Армиысь бертыса но гуртаз кема улыны кемдымтэ: фашистъёсын Быдӟым ожмаськон кутскем. Ӵужанаелэн верамезъя тодӥсько, со фронтэ кошконэзлэсь азьло кӧня ке толэзь котыр гуртъёсысь призывникъёсты строевойлы дышетэм шуыса. Фронтысь кӧня ке гожтэтъёсыз кылемын на. Соосъя валаны луэ, оже сое 1941-тӥ арын июль толэзьлэн кутсконаз басьтӥллям шуыса. Гожтэтъёсаз шӧдӥське солэн дорысьёссэ яратэмез, вордскем палъёсызлэсь мӧзмемез. 1941-тӥ арын сентябрьын солэн нылыз Меннера вордскиз. Садыков Шайсултан гуртаз ӧз вуы ни: 1942-тӥ арын июнь толэзе со ивортэк ышиз. Мензиянлы огназлы картэзлэсь анайзэ утёно, нылзэ будэтоно луиз.
Быро ни ӵужатайме тодӥсь муртъёс но… Тросэз войнае кулэмъёс сямен ик, Садыков Шайсултан Садыкович сярысь тодэ вайыто на фронтысь гожтэтъёсыз но фотокарточкаосыз…
1) «Привет из Уфы. 1941 год. 4 июльын гожтӥськом та гожтэтмес вордӥськем ельёсмылы туж сагыныса, саргайса. Анайлы уно уно салам верасько и Мензиян аслыд но туж сагныса, туж саргайса уно уно салам верасько и абзиёслы но корка пушкисьенызы туж унолэсь но салам вераса кылӥсько.
Абзи, мынам сюлэм туж шуг луиз пароходэ пуксем бере, пароходэ пырыкы адӟыны ӧй бугаты ни. Зэр утчаськеммы вал.
Гыльзия пичапайёслы но куиньназылы но туж сагныса, туж саргайса уно уно салам вераса кылисько. Мухамыдтин атаезлы, анаезлы туж сагыныса, туж саргайса уно уно салам вера.
Гыльзиялы но туж сагыныса, туж саргайса уно уно салам вера и кырсиослы но корка пушкисьенызы туж унолэсь уно салам вера и Датбай абзиослы но корка пушкисьенызы туж унолэсь уно салам вераса кыле, и мукет туганъёслы уно уно салам вераса кыле. И ачим но зурабзиослы и мукет туганъёслы уно уно салам вераса кылисько. Таин салам быриз.
Ми асьмеос Уфае лыктыса уаськимы 4 сэгэтын ӵукна. Али Уфаын, казыр бӧльыло частьлы. Ми огинтӥын, казыр кошком, дыр.
Татӥсь мурт зрэ уно татын, 6 сюрс мурт луэм индэ. Таза-исэн бертэммы луоз на-а, уз ни-а(…)»
2) «1941 г. 11/VII. Та гожтэтэз гожтӥсько вагонӥсен. Анай, Мензиян, абзилы, кенаклы и екелы туж сагныса, туж саргайса уно уно салам вераса кылисько. Гожтэт ен понэ ни, ми кошким казыр. Куш исэн луэ ява исьоды но. Олло бертыса вуыны луэ на-а, дыр, уг ни-а дыр. Мухамыдтинэн ог интӥын, ӧм бӧлиськелэ али. Асьме палъёсыз зэр утчаса кылим, огез но ӧз поты. Мон таин веран кылме вакчиятӥсько, таза-исэн луэ ява, олло бертӥськом на, олло ум ни. Зрэ шуг луиз Уфаись потыса кошконэз. Куш луэ анай, Мензиян, абзи, кенак, еке. Садыков.»
Р.Р. Садиков.
Читайте нас в