Шаермылэн ортчем сюрестӥз вамыштоно ке…

Аръёс, дауръёс ӵоже шаерамы улӥсь калык кыӵе гинэ шуг-секытъёсты вормымтэ! Соос сярысь вунэтоно ӧвӧл. Россилэсь ортчем сюрессэ нылпиосмы, нылпиосмылэн нылпиоссы тодыса мед будозы.

Трос семьяосмылэн улоназы бадӟым инты басьтэ Кыкетӥ дунне ож. Куинетӥ куарусёнэ со ожлэн йылпумъяськон нуналэз пусйиське. Та нуналэ шаермылэн пӧртэм интыосаз ужрадъёс радъясько. Янаул ёросысь Шудек гуртысь культура юрт но библиотека нылпиослы "Уроки Второй мировой" ужрад дасязы. Пиналъёс кышкыт ож аръёстӥ «ортчизы». Соослэн сюлмазы пыӵамон луиз япон ныл Садако Сасаки сярысь видеоролик. Нылаш бомбёжка бере висьыны усе. Солэн туж улэмез потэ. Со оске, кагазлэсь 1000 журавликъёсты лэсьтыса, солэн малпанэз быдэсмоз. Но со соосты лэсьтыса уг вуы…

Бырыны шедем нылэз буре вайыса, нылпиос кагазъёслэсь журавликъёс лэсьтӥзы. Ужрад Шудекысь памятник вӧзы сяськаос пононэн йылпумъяськиз.

Туспуктэм: https://vk.com/club133831742?z=photo-133831742_457240738%2Fwall-133831742_1261