+10 °С
Салкым
Вань иворъёс
Буре ваён но данъян ар
25 августэ 2020, 18:50
Ожгарчиосты буре вайыса
Бускельёсмы дорын, Пермь шаерысь Куеда ёросысь Вылысь Гондыр гуртын, Быдӟым Атыкай оже быремъёслы сӥзьыса, памятник усьтӥзы.Ӝужыт пьедесталысь сьӧд но зарни тусо кизили кыдёкысен адске. Со вӧзын – дурем гвоздика сяськаос. Кизилилэн тусъёсыз война но со бере улонэз возьмато.
Памятник «Земляки» проект улсын лэсьтэмын. Авторез – Алексей Аднашев. «Милям гуртамы та выллем памятникъёс ӧй вал. соин ик проект гожтыны малпай», - вера проектлэн авторез.
«Земляки» проект «Лукойл» компанилэн социальной но культурной проектъёсъя XIX конкурсаз вормисьёс пӧлын луэм: «Великий подвиг» номинациен пусъемын.
Вераны кулэ, туэ та конкурсэ 1200-лэсь трос ужъёс вуэмын вылэм. Финалэ 189 проект потэм. Соос пӧлысь 60-эз – Быдӟым Атыкай ожлы сӥземын. Пандемиен сэрен, конкурс дистанционно ортчем. Вормисьёсты ӟечкылан ужрадэз но радъяны пӧрмымтэ. Озьы ке но грантъёс вормисьёс кие дыраз вуиллям.
- Шаерезлэсь, ӵыжы-выжыосызлэсь ортчем сюрессэ тодӥсь калыклэн вуоноез но данъяськымон луэ. Ми сое туж умой валаськом. Соини к та ӧръя трос ужаны тыршиськом, малы ке шуоно милям компанилэн ужез шаермылэн ӟеч вуоноеныз зол герӟаськемын, - вера «ЛУКОЙЛ-ПЕРМЬ» ООО-лэн кыкетӥ номеро ЦДНГ-езлэн кивалтӥсез Вячеслав Ягодин.
Памятникез усьтон ужрадэ гурт калык шумпотыса вамыштӥз. Ужрад ӵошен писпу мерттонэн йылпумъяськиз. Буре ваён памятник котырын 75 писпуослэсь – кызъёслэсь но пужымъёслэсь – аллея кылдӥз.
Читайте нас:
Учредитель: Агентство по печати и средствам массовой информации Республики Башкортостан
Регистрационный номер: Свидетельство ПИ № ТУ02-01536 от 6 июня 2016г.
Главный редактор: Нигаматуллина Оля Борисовна
Газета "Ошмес" - общественно-политическая, социальная, культурно-просветительская газета удмуртов Республики Башкортостан.
Телефон
Телефон+7 (34778) 2-11-89, 2-18-71
Электронная почта
Адрес
452830, Республика Башкортостан, Татышлинский район, с. Верхние Татышлы, ул. Ленина, д. 91