«Салют Победы» конкурслы йылпумъянъёс

Тазлар гурт поселенилы кыкетӥ инты сётэмын. Вераны кулэ, та фестиваль улсын Тазларын ортчем «Ож ортчиз – кышкыт аръёс уг вуно» концертэ Каксиярово гуртын улӥсьёс но мыло-кыдо пыриськизы.

Фестивальын Кузбай гурт поселение 3-тӥ интылы кузё луиз. Та вормонын Алтау гуртын улӥсьёслэн, «Инвожо» калык фольклор ансамбле пыриськисьёслэн но люкетсы бадӟым. Соос учкисьёслы «Ӝыт пукон» йылолэз возьматӥзы.

Тепляк гурт поселениез «Песни Победы» номинациысь дипломен пусйизы. Тодады вайытӥськом, та фестивалез Тепляк гурт 18-тӥ тулыспалэ пумитаз. Байшады но Тепляк гуртъёсын улӥсьёс шулдыр концерт возьматӥзы. Учкисьёс «Туганэ» фольклор ансамбле ветлӥсьёслэсь «Веник керттон» вашкала йылолзэс, удмурт эктонъёссэс но кырӟанъёссэс тунсыкъяськыса учкизы.

Туспуктэм вылын:«Туганэ» фольклор ансамбль «Веник керттон» вашкала йылолэз возьматэ.