Пӧртэм анай кылъёсын башкир поэтъёслэсь кылбуръёссэс лыдӟонъя конкурслы йылпумъянъёс лэсьтэмын

Ужъёсты 6-тӥ декаброзь кутӥзы. Ваньмыз башкир, ӟуч, чуваш, удмурт, пор, бигер кылъёсын 163 видеролик вуэмын. Ужрадэ пыриськизы республикаын, Оренбург, Челябинскойулосвылын, Юграын, Канадаын улӥсьёс. Ӵемгес веразы Рами Гариповлэсь, Зайнаб Биишевалэсь, Мустай Каримлэсь кылбуръёссэс.

Жюрилэн малпамезъя, Гран-прилы кузё луиз Миляуша Абубакирова. «Приз зрительских симпатий» номинациын 25 ареслэсь бадӟым категориын вормиз Гульфира Зулкарнаева. Со Ханиф Каримлэсь кылбурзэ лыдӟиз.

«За сохранение семейных традиций» номинациын вормисе потӥзы Кильмухаметовъёслэн но Валеевъёслэн семьяоссы, «За сохранение и передачу традиций за рубежом» номинациын — Канадаысь Сарвар Хамзина. Вань вормисьёслэсь нимъёссэс шедьтыны луоз БР-ысь Калыкъёслэн эшъяськон юртсылэн сайтысьтыз.