Республикалэн Тӧроезлэсь ужзэ быдэсъясь Радий Хабиров антитеррористической комиссилэсь заседанизэ ортчытӥз.

Республикалэн Тӧроезлэсь ужзэ быдэсъясь Радий Хабиров антитеррористической комиссилэсь заседанизэ ортчытӥз. Солэн бадӟым люкетэз дышетскон юртъёсты кышкытлыклэсь утёнлы сӥземын вал.

«Керчын луэм кышкыт учыр бере асьмеос валаськомы, дышетскон юртъёсын сак кариськоно. Йыртэмась юрт пушкы пыӵалэн, пуштытонэн пырем. Со 61 адямилэсь улонзэ чигиз. Соос пӧлысь тросэз – егитъёс.Та выллемгес учыр луиз ни Стерлитамакысь школаын но. Соин вунэтоно ӧвӧл: асьмеос котькуд пинал понна, республикаын улӥсь понна кыл кутӥськом», - вераз Радий Хабиров.

Республикаен кивалтӥсь пусйиз, дышетскон юртъёсын котькуд тырмымтэосты дыраз палэнтоно шуыса. «Туннэ сюрслэсь трос школаосын видеонаблюдение ӧвӧл. Берлось вить ар ӵоже нылпиосты кышкытлыклэсь утён понна 1,5 млрд манет коньдон висъямын.Туэ 116 млн манет висъяськоз. Озьы ке но со тырмыт ӧвӧл на, - вераз Тӧролэсь ужзэ быдэсъясь.

Радий Хабиров дышетскон юртъёслэсь директоръёссэ терроризмен нюръяськонъя паськыт ужъёс нуыны куриз. «Интыосысь дышетонъя ёзэтъёслы, участковойёслы пыӵал-тӥрлыкен семьяосты тодоно, - вераз Радий Хабиров. – Анай-атайёсты пыӵалзэс утьыны дышетоно. Но терроризмен нюръяськонъя ужъёсты соин гинэ йылпумъяно. Нылпиосты кышкытлыклэсь утён понна мукет амалъёс утчано.

Заседание вылӥ кивалтӥсьёс, МВД-ын, прокуратураын, ФСБ-ын ужасьёс но мукетъёс.

Дасямын «Башинформысь» материалъя.