Ужысь ветеранэз ӟечкыланы ветлӥзы

Трос аръёс ӵоже гурт хозяйствоын ужаса пенсие потэм дано адямиос котькуд гуртын вань. Бурай ёросысь Мамады гуртын одӥгез сыӵе кышномурт - Мария Шариповна Тимерзянова. Мария апай кема аръёс скал кыскись луыса тыршем. Тямыс классэ йылпумъям ныл Олина но Фардуна эшъёсыныз Казахстанэ, чугун сюресэ, "кузь уксё" утчаны кошкем вылэм но, улонэз сое берен вордскем палъёсаз берыктӥз. Ас палъёсаз вуыса, егит ныл «Октябрь» колхозын кунян утисе кутскем. Татысен ик Анатолий Хасаньяновичез - вуоно кузпалзэ - пумитам. 1971-тӥ арын сюанзы луэм. Кузпалъёс ньыль нылпи будэтӥллям. Мария Шариповна вань улонзэ гурт удыслы сӥзем, 37 арлл скал кыскем. Кызьы ачиз шуэ, котькыӵе куазен, кезьыт-а, тӧл-а, лымы-а, зор-а, фермае пыдын мыноно вал. Вань секытлыкъёсты со вормиз. Ужам дырзэ но шунытэн тодаз вае. Шутэтскыкузы, кылсярысь, скал кыскисьёс кырӟало, серекъяло вылэм, котьку ог-огзылы юрттӥськыны тыршиллям. 2001-тӥ арын Мария Тимерзяновалы "БР-ысь гурт удысысь сӥё-дано ужась" ним сётэмын. 2008-тӥ арысен дано скал кыскись дораз гинэ ужа на. Солэн уго сизьым внукъёсыз-внучкаосыз но одӥг правнучкаез.