Республикаын «Блокадный хлеб» акция ортчоз

Отчы школаын дышетскисьёс, студентъёс, общественной организациосын, поисковой отрядъёсын, военно-патриотической клубъёсын но ветеранской организациосын тыршисьёс пыриськозы. Школаосын, вузъёсын но ссузъёсын тематической радиолинейкаос ортчозы. Быремъёсты буре вайыса, одӥг минут чус сылозы. Со сяна, 27-тӥ январе Быдӟым Атыкай ожысь ветеранъёсын пумиськонъёс ортчозы, Ленинградэз блокадалэсь мозмытон сярысь фильмъёс возьматозы.