Шаерамы Быдӟым Атыкай ожын Вормонлы сӥзем акция мынэ

Приволжск федерал округын Быдӟым Вормонлы 75 ар тымонлы сӥзем «Наш день Победы» акция мынэ. Сое РФ-лэн Президентэзлэн Приволжск федерал округысь Полномочной представителезлэн аппаратэз радъя. Кырӟанъя марафон пӧртэм регионъёсысь коллективъёсты огазеялоз. Отчы пыриськисьёс крезьгурчилэсь Давид Тухмановлэсь но кылбурчилэсь Владимир Харитоновлэсь «День Победы» кырӟанзэ пӧртэм кылъёсын быдэстозы. Вераны кулэ, та кырӟанлэн кылдэмез дырысен туэ 45 ар тырме.

Акция февраль толэзе Мордовиын кутскиз. Нош 25-тӥ апрельысен 8-тӥ маёзь кырӟанэз быдэстӥсьёсты телевидение пыр возьматозы, акцие нуналлы быдэ мукет регионъёс ватсаськозы. Нош Вормон Нуналэ «День Победы» кырӟанэз соос ваньзы ӵошен быдэстозы.

Кырӟанъёсты соцсетьёсысь #песнипобедыПФО #нашденьпобеды хэштэгъёсъя шедьтыны луоз.