Ворпо буёлъёсын пишто сад-бакчаос

Онлайн-конкурсэ Улысь Балтачын улӥсьёс сяна, Вылысь Балтачысь, Калмиярысь, Таныповкаысь сяська будэтӥсьёс но пыриськизы. Эльза Туктакеева, Гульнара Шагиева, Альфия Баймиева, Ирина Шакирова, Сания Минлебаева, Лидия Нигаматуллина, Вилена Давыдова, Люба Минияхметова, Индира Шайсламова, Илюса Шайдуллина, Светлана Адуллина, Роза Шаймиева, Рашида Муллаярова, Маргарита Саяфарова, Надежда Шайсламова, Ульяна Губаева, Славдиана Адуллина, Изабелла Гильманшина, Валерия Шайхуллина, Савина Гайдуллина, Юрина Каюмова, Галина Гильмиярова, Светлана Рафикова но Анна Тарханова конкурсэ трос чебересь туспуктэмъёссэс ыстӥзы. Калмиярысь Александр Костин но бакчаысьтыз сяськаосыныз туспуктэмъёссэ конкурсэ келяз.

Вормисез быръён капчиен ӧз сётскы. Яркытэсь туспуктэмъёсты учкыса но уд тыры. Огезлэсь чебер мукетыз! Ӵошен кенешыса огкылэ вуим – тужгес шулдыр бакчаез Светлана Рафиковалэн. Со вормисе потӥз.

Конкурслэн одӥгез куронэзъя, ыстэм фотоослэсь коллаж тупатоно вал. Та ужез Тархановъёслэн семьязы быдэстӥз. Соослы нылзы, Вероника Хабибуллина, юртӥськиз.

Ужрадэз ортчытыны юрттӥсьёслы, конкурсэ пыриськемъёслы бадӟым тау кылъёсмес вераськом. Чебересь сяськаоссы соослэсь улонзэс мед шулдыртозы.

Туспуктэм вылын: конкурсын вормись Светлана Рафикова.