Шаермес утисьёслы мемориал пул усьтӥзы

Одӥгзэ Калмиярысь школа борды шуккизы. Татын Фёдор Басимов дышетскиз. Нош Руслан Сафиуллинэз но Вениамин Суфияновез Улысь Балтач школаын буре ваизы.
Буре ваён ужрадэ Татышлы ёрос администрациен кивалтӥсь Фанур Шайхисламов, кышкатэк тушмон пумитэ султэм пиослэн анай-атайёссы, матысьёссы но гурт калыксы пыриськизы. Та нуналэ ожгарчиосмы сярысь трос шуныт кылъёс веразы. «Асьмелэн валтӥсь ужпуммы – шаермы, калыкмы понна улонзэс жалятэк ожмаськем пиосты тодэ ваёнъёсамы утён, - вераз Ф. Шайхисламов. - Нылпиосмы мед тодозы соослэсь мар понна быремзэс».
Янаул ёросысь Шудекысь школаын дышетскись пиналъёс ноку уз вунэтэ та борддоръёс сьӧрын тодон-валан басьтэм Владислав Асхатовез но Александр Джиоевез. Ожгарчиос сярысь соослы тодазы вайытоз татчы шуккем мемориал пул. Пиосты буре вайыны трос калык люкаськиз. Соос пӧлын луиз ёрос администрациен кивалтӥсь Салават Гильмиев но.